أثار حفل زفاف نادر الأتات تفاعلاً واسعاً، بعدما ظهر وهو يغني ويرقص لسيرين عبد النور، ويغيّر كلمات أغنيته إلى «قلبي عا سيرين»، في وقت كانت زوجته جنى إسماعيل تقف بالقرب منه.
كما انتشرت مشاهد أخرى من الحفل ظهر فيها نادر إلى جانب سيرين في أكثر من مناسبة، وهما يرقصان معاً ويمضيان وقتاً طويلاً خلال الاحتفال.
ولم يحظَ هذا التفاعل بإعجاب الجميع، إذ اعتبر البعض أن تصرفات نادر تجاه زوجته غير لائقة، فيما مازح آخرون بالقول إنهم كانوا سينهون الزواج في تلك اللحظة لو كانوا مكان جنى.
وعلى إثر ذلك، نشرت سابين نحاس، شقيقة سيرين عبد النور، فيديو عبر حسابها على «إنستغرام»، قالت فيه: «كفّوا حقدكن... كفّوا غيرتكن... وكفّوا أذى بقى».
وأضافت: «سيرين عبد النور أختي وأكيد رح دافع عنها، بس الحكي مش بس عن سيرين. الحكي عن كل شخص صار مستباح على السوشال ميديا، وكل حركة إلو لازم تتشرّح وتتفسّر وتنقلب محكمة».
وتابعت: «مش كل شي ما عجبكن صار غلط، ومش كل لقطة بتعطيكن الحق تجرحوا وتتهموا وتفرّغوا عقدكن وحقدكم بالناس».
وقالت إن «السوشال ميديا مش مساحة تنكبّ فيها كل هالكمية من الحقد والكره والأذى، بس لأن في شاشة بينكن وبين الشخص اللي عم تجرحوه».
وختمت بالقول: «وإذا فرحة غيركن بتستفزكن وإذا نجاح غيركن بيخلّيكن لهالدرجة حاقدين ومؤذيين وبدكن تقلّلوا من قيمة الناس وتكسّروا فرحتها... يمكن صار لازم تسألوا حالكن وين المشكلة عنجد. خلص بقى».
أخبار متعلقة :